केशव गोविंद बनात लहान मुलांना टाळाच्या किनकिनाटात हरिपाठाचे शिक्षण
Kishor Bhagat
बेलापूर खु॥ येथील केशव गोविंद बनात केशव गोविंद संस्थानच्या वतीने बाल संस्कारासाठी हरिपाठ आणी टाळ पखवादाचे प्रशिक्षणाचा उपक्रम दि १ मे पासुन ३० मे पर्यंत आयोजीत करण्यात आला आहे . हभप बाबानंद महाराज वीर यांच्या मार्गदर्शनात व हभप कू-हे महाराज ,ज्ञानदेव पुजारी , बापूसाहेब बडधे , इत्यादि भाविकांच्या सहकार्यात सुमारे २५ मुलांनी पहिल्याच दिवशी या उपक्रमात भाग घेतला . उन्हाळ्याच्या सुटट्यांचा सदूपयोग व्हावा आणी लहान मुलांना हरिपाठ मुखोदगत होवून टाळ आणी पखवाद वाजवता यावे हा संस्थानचा या मागील उद्देश आहे .
भविष्यकाळात वाढत चाललेल्या चंगळवाद आणी मोबाईल चा अतिरेक यापासुन आपल्या मुलांना वाचविण्यासाठी हरिपाठ हा सर्वोतम उपाय आहे असे या प्रसंगी हभप वीर महाराज म्हणाले . हरिपाठ समजून घेतला तर आयुष्यात कधीच व्यक्ती हतबल होत नाही कारण हरिपाठ हा जीवनाला स्थिरता देणारा नित्यपाठ आहे .केवळ हरिपाठाचे चिंतनच माणसाचे जीवन सुखी करु शकते असेही ते म्हणाले .
यावेळी बाल गोपालांच्या टाळाच्या किन किनाटाने वातावरण भारून गेले होते . या उपक्रमात पंचक्रोशीतील सर्वांनी सहभाग घ्यावा असे आवाहन केशव गोविदं संस्थानच्या वतीने करण्यात आले .
किशोर भगत
