श्री. शरद पवार यांच्या विषयी केलेले वादग्रस्त वक्तव्य करणाऱ्या केतकी चितळे ला अटक. परंतु राज ठाकरे यांच्या सोबतचा केतकी चा फोटो व्हायरल. . !! नेमके "राज" कारण काय असावे असा अनेकांना प्रश्न. .. !!!

ठाणे / मुंबई::-- राष्ट्रवादी चे अध्यक्ष श्री. शरद पवार यांच्या विषयी अतिशय खालच्या दर्जाची शब्द वापरलेली कविता सोशल मीडियावर व्हायरल झाल्यानंतर अभिनेत्री केतकी चितळे हिच्या  विरुद्ध कळवा पोलीस ठाण्यात गुन्हा दाखल झाल्यानंतर तिला नवी मुंबईतील कळंबोली ठाणे क्राईम ब्रँच ने तिला ताब्यात घेवून अटक केली आहे. केतकी चितळे ला ज्यावेळेस कळंबोली पोलिस ठाण्यात आणण्यात आले. त्यावेळेस राष्ट्रवादीच्या पदाधिकाऱ्यांनी जोरदार घोषणाबाजी करून तिच्यावर काळीशाही व अंड्याचा मारा तिच्यावर केला. याच प्रकरणात नाशिक मध्ये श्री. शरद पवार यांच्याविषयी बनावट अकाऊंट उघडून आक्षेपार्ह पोस्ट करणाऱ्या निखिल भामरे वय- 22 याला सुद्धा या प्रकरणांत अटक करण्यात आली आहे. परंतु या व्ह्यायरल झालेल्या पोस्ट वरून मनसे चे श्री. राज ठाकरें यांनी आज एक सणसणीत पत्र लिहून या घटनेचा तिव्र शब्दात निषेध केला. "कोणीतरी केतकी चितळे नामक व्यक्तीने अतिशय खालच्या पातळीवर जाऊन घाणेरड्या शब्दात काहीतरी श्लोकासारखं लिहून फेसबुकवर पोस्ट प्रकाशित केलेली आहे असे  आमच्या निदर्शनास आणले  गेले.त्या पोस्ट खाली काहीतरी निखिल भामरे वगैरे असं नाव टाकलं आहे. हे जे लिखाण आहे त्याला महाराष्ट्र संस्कृतीत जागा नाही. त्याचा आम्ही तीव्र शब्दात निषेध करतो." असं पत्र राज ठाकरेंनी समाज माध्यमांवर प्रसारित करुन त्या मजकुराला आपला विरोध दर्शवला. मात्र आता " कोणीतरी केतकी चितळे " असं म्हणणारे राज ठाकरे आणि केतकी चितळे यांचा सोबतचा फोटो सोशल मीडियावर व्हायरल झाला आहे. केतकी यामध्ये राज ठाकरेंना राखी बांधताना दिसत आहे.
        राज ठाकरे आणि केतकी चितळे यांचा हा फोटो व्हायरल झाल्यानंतर अनेक प्रश्न उपस्थित होते आहेत. राज ठाकरे केतकी चितळेला ओळखतात का ? ओळखत असतील तर त्यांनी पत्रात "कोणीतरी केतकी चितळे नामक व्यक्ती" असा उल्लेख का केला असेल ? भोंग्यांच्या राजकारणात अचानकपणे केतकी ने श्री. शरद पवार यांच्या विषयीच का गरळ ओकली.  ??  अश्या अनेक प्रश्नांसह यामध्ये काय "राज" कारण आहे असा प्रश्न अनेकांना उपस्थित झाला आहे. मात्र राज ठाकरे यांच्या घरी रक्षाबंधन निमित्त अनेकजण येतात, त्यांना राखी बांधतात असं स्पष्टीकरण या फोटोवर येऊन सारवा - सारव केली जाण्याची दाट शक्यता वर्तविण्यात आली आहे.