अहमदनगर शहरामध्ये UNDER ARMOUR कंपनीचे बनवत कपडे विक्री करणारे दोन आरोपी 3,18,400/- रु .किमतीच्या मुद्देमालासह स्थानिक गुन्हे शाखेने केले जेरबंद .

अहमदनगर शहरामध्ये UNDER ARMOUR कंपनीचे बनावट कपडे विक्री करणारे दोन आरोपी 3,18,400/- रुपये किंमतीचे मुद्देमालासह जेरबंद स्थानिक गुन्हे शाखा अहमदनगरची कारवाई.

       प्रस्तुत बातमीची हकिगत अशी की, दिनांक 03/01/2024 रोजी नेत्रीका कन्सल्टींग ऍ़ण्ड इन्व्हेस्टीगेशन इंडिया प्रा. लि. कंपनीतील या खाजगी कंपनीतील सिनीअर फिल्ड एक्झिक्युटीव्ह दिपक बाबुलाल पटेल वय 45 वर्षे, व्यवसाय - नोकरी रा. डी. 5/11, अस्मिता ज्योती सोसायटी, मारवे रोड, मालाड प. मुंबई यांनी राकेश ओला , पोलीस अधीक्षक, अहमदनगर यांना समक्ष भेटुन अहमदनगर शहरातील बालीकाश्रम रोडवरील श्री स्पोर्ट व शिव स्पोर्ट या दुकानामध्ये UNDER ARMOUR कंपनीचे नावाचा वापर करुन बनावट कपडे विक्री करत असल्याची खात्रीशीर माहिती दिली. 

     वरील बातमीचे आधारे राकेश ओला, पोलीस अधीक्षक, अहमदनगर यांनी प्राप्त माहिती पोनि/श्री. दिनेश आहेर, स्थानिक गुन्हे शाखा, अहमदनगर यांना कळवुन खात्री करुन कारवाई करणे बाबत आदेश दिले. नमुद आदेशा प्रमाणे पोनि दिनेश आहेर यांनी स्थानिक गुन्हे शाखेतील पोसई/तुषार धाकराव, पोहेकॉ/संदीप पवार, सचिन अडबल, पोना/संतोष खैरे, पोकॉ/अमोल कोतकर, भाऊसाहेब काळे अशा पोलीस अधिकारी व अंमलदार तसेच नेत्रीका कन्सल्टींग ऍ़ण्ड इन्व्हेस्टीगेशन इंडिया प्रा. लि. कंपनीचे तज्ञ अधिकारी व पंचाना सोबत घेवुन बालीकाश्रम रोडवरील श्री स्पोर्ट व शिव स्पोर्ट या दुकानामध्ये जावुन खात्री करुन कारवाई करणे बाबत सुचना देवुन दिनांक 03/01/2024 रोजी पथकास तात्काळ रवाना केले. 

            पोलीस पथकाने बालीकाश्रम रोडवरील शिव स्पोर्ट या दुकानामध्ये जावुन पाहणी करता दुकानामध्ये इसम नामे शाहरुख ईस्माईल शेख वय 26 वर्षे, रा. मंगलगेट, ता. जि. अहमदनगर हा मिळुन आला. सदर इसमास त्याचे दुकानाचे झडतीचा उद्देश समजावुन सांगुन कंपनीचे तज्ञ अधिकारी यांनी पंचासमक्ष तपासणी करता सदर दुकानामध्ये 1,29,600/- रुपये किमतीच्या UNDER ARMOUR कंपनीचे चिन्ह व टँग असलेल्या बनावट ट्रॅक पँट, व 75,600/- रुपये किमतीचे टी शर्ट असा एकुण 2,05,200/- रुपये किमतीचा मुद्देमाल मिळुन आला आहे. 

     तसेच बालीकाश्रम रोडवरील श्री स्पोर्ट दुकानामध्ये जावुन पाहणी करता दुकानामध्ये इसम नामे सतिष अशोक सायंबर वय 33 वर्षे, रा. कायनेटीक चौक, केडगांव, ता. जि. अहमदनगर हा मिळुन आला. सदर इसमास त्याचे दुकानाचे झडतीचा उद्देश समजावुन सांगुन कंपनीचे तज्ञ अधिकारी यांनी पंचासमक्ष तपासणी करता सदर दुकानामध्ये 1) 60,000/- रुपये किमतीचे UNDER ARMOUR कंपनीचे चिन्ह व टँग असलेले बनावट जॅकेट, 2) 25,200/- रुपये किमतीचे टी शर्ट, व 3) 28,000/- रुपये किमतीच्या ट्रॅक पँट असा एकुण 1,13,200/- रुपये किमतीचा मुद्देमाल मिळुन आला आहे.

      वरील शिव स्पोर्ट व श्री स्पोर्ट या दुकानामध्ये इसम नामे 1) शाहरुख ईस्माईल शेख वय 26 वर्षे, रा. मंगलगेट, ता. जि. अहमदनगर, 2) सतिष अशोक सायंबर वय 33 वर्षे, रा. कायनेटीक चौक, केडगांव, ता. जि. अहमदनगर हे त्यांचे वरील दुकानामध्ये UNDER ARMOUR कंपनीचे चिन्ह व टँग असलेले बनावट ट्रॅक पँट, टी शर्ट व जॅकेट असा एकुण 3,18,400/- रुपये किमतीचा मुद्देमाल विक्री करण्याचे उद्देशाने मिळुन आल्याने त्यांचेविरुध्द नेत्रीका कन्सल्टींग ऍ़ण्ड इन्व्हेस्टीगेशन इंडिया प्रा. लि. कंपनीचे सिनीअर फिल्ड एक्झिक्युटीव्ह श्री दिपक बाबुलाल पटेल वय 45 वर्षे, व्यवसाय - नोकरी रा. डी. 5/11, अस्मिता ज्योती सोसायटी, मारवे रोड, मालाड प. मुंबई यांचे फिर्यादीवरुन तोफखाना पोलीस स्टेशनला भादवि कलम 420 सह कॉपीराईट का.क. 51 व 63 प्रमाणे गुन्हा दाखल करण्यात आला आहे. पुढील तपास तोफखाना पोलीस ठाणे करीत आहे. 

        सदर कारवाई राकेश ओला , पोलीस अधीक्षक, अहमदनगर, प्रशांत खैरे , अपर पोलीस अधीक्षक, अहमदनगर व हरिष खेडकर पोलीस उपअधीक्षक, मुख्यालय, अति. कार्यभार नगर शहर विभाग यांचे सुचना व मार्गदर्शना खाली स्थानिक गुन्हे शाखेचे पोलीस अधिकारी व अंमलदार यांनी केलेली आहे.