स्थानिक गुन्हे शाखेची धडाकेबाज कारवाई,गावठी कट्टा बाळगणाऱ्या एकस अटक.
Sambhaji Bhanudas shinde
प्रतिनिधी:-नेवासा ,अहमदनगर
गावठी कट्टा व दोन जिवंत काडतुसासह तरूणाला स्थानिक गुन्हे शाखेच्या पोलिसांनी अटक केली . शरीफ उर्फ गोट्या अकबर पठाण ( वय ३० रा . नेवासा बस स्थानकाच्या पाठीमागे , ता . नेवासा ) असे अटक केलेल्या तरूणाचे नाव आहे . त्याच्याकडून ३० हजार रूपये किंमतीचा गावठी कट्टा , ६०० रूपये किंमतीचे दोन जिवंत काडतुसे असा ३० हजार ६०० रूपये किंमतीचा मुद्देमाल जप्त केला आहे . पोलीस नाईक संदीप संजय दरंदले यांनी एमआयडीसी पोलीस ठाण्यात दिलेल्या फिर्यादीवरून आरोपी पठाण विरोधात भारतीय हत्यार कायद्याप्रमाणे गुन्हा दाखल करण्यात आला . पुढील तपास एमआयडीसी पोलीस करीत आहेत . पोलीस निरीक्षक कटके यांना गोपनिय माहिती मिळाली की , शेंडी ( ता . नगर ) गावातील बाह्यवळण रस्त्यावर एक मध्यम बांध्याचा मुलगा लाल शर्ट घालून गावठी कट्टा व काडतुसे जवळ बाळगून फिरत आहे . कटके यांनी स्थानिक गुन्हे शाखेच्या पथकाला सूचना दिल्या . त्याप्रमाणे पथकाने औरंगाबाद रोडवरी अहमदनगर शेंडी येथे सापळा लावून थांबले असताना , मिळालेल्या माहितीप्रमाणे शेंडी बाह्यवळण रस्ता ते डेअरी चौक एमआयडीसीकडे जाणाऱ्या रस्त्याने एक व्यक्ती पायी जात असताना दिसला . पथकाला तोच व्यक्ती हाच असल्याची खात्री होताच , पथकाने त्याला घेराव घालून ताब्यात घेतले . त्यांची पंचांसमक्ष झडती घेतली असता त्याच्या ताब्यात गावठी कट्टा व काडतुसे मिळून आली . सहाय्यक पोलीस निरीक्षक गणेश इंगळे , हवालदार दत्तात्रय गव्हाणे , संदीप दरंदले , संतोष लोढे , ज्ञानेश्वर शिंदे , शंकर चौधरी , रविकिरण सोनटक्के , संभाजी कोतकर आदींनी ही कारवाई केली आहे
.
