राहुरी पोलिसांची उल्लेखनीय कामगिरी कत्तलीसाठी जाणाऱ्या गाईंची केली सुटका

राहुरी ता पती   डॉ देवेंद्र शिंदे

      दिनांक - 03/02/2026

  *राहुरी पोलीस स्टेशनची उल्लेखनीय कामगिरी* *कत्तलीसाठी जाणाऱ्या गाईंची केली सुटका* 

*एकूण 4,30,000/-रुपये किमतीचा मुद्देमाल जप्त*

      माननीय पोलीस अधीक्षक सो अहिल्यानगर व मा.अपर पोलीस अधीक्षक श्रीरामपूर यांचे पोलीस स्टेशन हद्दीत पेट्रोलिंग बाबत मार्गदर्शन व सूचनांच्या अनुषंगाने दिनांक 03/02/2026 रोजी पहाटे 04:45 वा सुमा सहायक पोलीस निरीक्षक सुदाम शिरसाठ हे शासकीय वाहनाने रात्रगस्त करत असताना रेल्वे स्टेशन रोडवर तांदूळवाडी ता.राहुरी शिवारात एक संशयित पिकअप गाडी भरधाव वेगाने जात असताना त्यांना दिसून आल्याने, त्यांनी तिचा पाठलाग केला असता सदर पिकअप गाडी ही रोडवर लावून त्यातील चालक व सोबत एक इसम असे गाडी सोडून पळून गेले. सदर गाडीची पाहणी केली असता त्यामध्ये तीन मोठ्या जर्सी गाई व दोन लहान वासरे असे गाडीत दाटीवाटीने बांधलेले मिळून आले. त्यानंतर सपोनि/ शिरसाठ यांनी सदर ठिकाणी पोलीस पथक बोलावून घेऊन त्यांच्या मदतीने पिकअप गाडी पोलीस स्टेशन येथे घेऊन येऊन *लहान मोठ्या पाच गाई व महिंद्रा पिकअप असा एकूण 4,30,000/- रुपये किमतीचा मुद्देमाल जप्त करून, सदर वाहनावरील अज्ञात चालकावर गुरनं - 113/2026 महाराष्ट्र पशुसंवर्धन कायदा व मोटार वाहन कायदा अन्वये गुन्हा दाखल करण्यात आला आहे.*

         सदरची कारवाई मा.सोमनाथ घार्गे सो, पोलिस अधीक्षक अहिल्यानगर , मा.सोमनाथ वाघचौरे अपर पोलिस अधीक्षक श्रीरामपूर , मा. जयदत्त भवर उपविभागीय पोलीस अधिकारी श्रीरामपुर विभाग जि. अहिल्यानगर यांच्या मार्गदर्शनाखाली श्री संजय आर.ठेंगे पोलीस निरीक्षक राहुरी पोलीस स्टेशन यांच्या नेतृत्वाखाली,सपोनि/सुदाम शिरसाट ,सफौ/तुळशीदास गिते , पोहेकॉ/विजय नवले, पोहेकॉ/संदिप ठाणगे, चालक पोहेकॉ/शकूर सय्यद,पोकॉ/जयदिप बडे, पोकॉ/नदीम शेख यांच्या पथकाने केली आहे. सदर गुन्हयाचा पुढील तपास सफौ/तुळशिदास गिते हे करीत आहेत.

         ( संजय आर ठेंगे )

         पोलीस निरीक्षक

       पोलीस स्टेशन राहुरी