गेल्या सात ते आठ वर्षांपासून अधिकृत वैद्यकीय नोंदणी नसताना रुग्णांवर उपचार करणारा डॉक्टर तणवीर देशमुख ला अटक*

*गेल्या सात ते आठ वर्षांपासून अधिकृत वैद्यकीय नोंदणी नसताना रुग्णांवर उपचार करणारा डॉक्टर तणवीर देशमुख ला अटक*

अटक झाल्यानंतर तणवीर देशमुख यांचे वाढले ब्लड प्रेशर. ग्रामीण रुग्णालयात उपचार घेण्यास दिला नकार.राहुरी येथील गॅलक्सी निसर्गोपचार केंद्र या क्लिनिकमध्ये कोणतीही अधिकृत वैद्यकीय नोंदणी नसताना, रुग्णांवर उपचार केल्याप्रकरणी डॉक्टर तनवीर देशमुख यांच्या विरोधात, राहुरी पोलिस ठाण्यात गुन्हा दाखल करण्यात आला असुन त्यांना अटक देखील करण्यात आले आहे.अटक केल्यानंतर तणवीर देशमुख यांचा ब्लड प्रेशर वाढल्यामुळे त्यांना राहुरी येथील ग्रामीण रुग्णालयात दाखल केले परंतु त्या रुग्णालयातील एक ही गोळी मी खाणार नाही आणि उपचार घेणार नाही असे देशमुख म्हणाले. ज्यांनी माझ्यावर गुन्हा दाखल केला त्याच्याकडून मी उपचार घेणार नाही असे ते म्हणाले.महाराष्ट्र कौन्सिल ऑफ इंडियन मेडिसिन किंवा नॅशनल कौन्सिलकडे नोंदणी प्रमाणपत्र नसतानाही, त्यांनी वैद्यकीय व्यवसाय केल्याचा आरोप आहे. तनवीर देशमुख यांनी विविध चिकित्सा पद्धतींचा वापर करून, रुग्णांवर उपचार केलेत. मात्र, मेडिकल प्रॅक्टिशनर्स ॲक्टनुसार, त्यांना रुग्ण तपासणी आणि उपचार करण्याचा कोणताही अधिकार नसल्याचं तपासामध्ये निष्पन्न झाले. तर, कायद्यानुसार डॉक्टर शब्दाचा गैरवापर केल्याचाही समोर आलाय. याशिवाय, बनावट पदवीची कागदपत्रं तयार करून ती सादर केल्याचंही, तपासात उघड झाल्यामुळं, प्रशासनानं ही कारवाई केली आहे. याप्रकरणी, राहुरी ग्रामीण रुग्णालयाचे वैद्यकीय अधिकारी डॉक्टर गणेश मिसाळ, यांनी फिर्याद दिली आहे. तर, या गुन्ह्याचा पुढील तपास, पोलिस निरीक्षक संजय ढेंगें यांच्या मार्गदर्शनाखाली, उपनिरीक्षक गणेश वाघमारे करतायत. या कारवाईमुळं राहुरी तालुक्यासह जिल्ह्यात खळबळ उडाली असून, देशमुख यांच्याकडे उपचारासाठी जाणारे रुग्णदेखील संभ्रमात पडले आहेत.

 राहुरी तालुका प्रतिनिधी देवेंद्र शिंदे