शनिशिंगणापूर येथे भाविकांचे पैसे चोरणाऱ्या वाहन चालकास मद्देमालासह अटक .

शनिशिंगणापुर येथे भाविकांचे पैसे चोरणा-या वाहन चालकास मुद्देमालासह अटक .

प्रतिनिधी  खेडले परमानंद.

शनिशिंगणापुर पो.स्टे .गुरंन 5712023 भादवि कलम 379 प्रमाणे आरोपीवर गुन्हा दाखल करण्याचे काम तरुण खेमचंद मोटवाणी वय 34 वर्ष धंदा-फटाके विक्री व्यवसाय रा-C-19/15S-2-1 बादशाह बाग कॉलनी ता. जि. वाराणसी यांनी केले आहे . फिर्यादि,चुलत भाऊ व मित्र यांनी समक्ष पोलिस स्टेशनला येवुन फिर्याद दिली की, दि- 17/03/2023 रोजी सकाळी 09/30 वा.चे सुमारास शिर्डी येथून गाडी नं MH-17-CA-9990 ही G-SQUARE टुर्स ॲन्ड ट्रॅव्हल्स शिर्डी येथुन भाड्याने करुन शनि शिंगणापुर येथे दर्शनासाठी केली होती. सदर फिर्यादी हे 11/00वा. चे सुमारास शनि शिंगणापुर येथे दर्शनासाठी आले असता त्यांनी आपले कडील बॅग व इतर सामान हे गाडीमध्ये ठेवुन दर्शनासाठी गेले होते. दर्शन करुन बाहेर येवुन त्यांनी बॅगेत असलेले पैसे पाहीले असता त्यांना त्यांचे बॅगेत ठेवलेले पैसे दिसुन आले नाहीत. सदर ड्रायव्हर यास बॅग कोणी खोलली असे विचारले असता तो उडवा उडवीची उत्तरे देवु लागला तेव्हा त्यांची पैसे चोरी गेल्याची खात्री झाल्याने त्यांनी पोलीस स्टेशनला येऊन दिलेल्या फिर्यादीवरुन वरीलप्रमाणे गुन्हा दाखल करण्यात आला. पोलिसांनी गाडी चालकास 

 पोलिस स्टेशनला आणुन विचारपुस केली असता त्याने सुरुवातीस उडवा उडवीची उत्तरे दिली. परंतु नंतर विश्वासात घेवुन सखोल चौकशी केली असता त्याने सदरचा गुन्हा केल्याचे कबुल केले . सदर गाडीचा ड्रायव्हर भाऊसाहेब पोपट कोळपे याने त्याचे ताब्यातील इनोव्हा क्रिस्टा कार नं. MH-17- CA- 9990 या कारचे ड्रायव्हर सीटच्या आतमध्ये लपवुन ठेवलेले रु. 30000/- रोख रक्कम काढुन पोलिसांच्या ताब्यात दिली आहे. सदरची गाडी ही गुन्हयाचे तपासकामी जप्त करण्यात आली असून सदर ड्रायव्हर यास सदर गुन्ह्यात अटक करण्यात आली आहे.

हस्तगत मुद्देमाल - 1 ) 30000/- रु. रोख रक्कम त्यात दोन हजार रु.च्या 15 चलनी नोटा 2) 15,00,000/-रु. किंमतीची इनोव्हा क्रिस्टा कार नं. MH-17- CA- 9990

एकुण मुद्देमाल 15,30,000/- जप्त करण्यात आला आहे .

-

सदरची उल्लेखनिय कामगीरी मा. राकेश ओला पोलिस अधिक्षक अहमदनगर ,मा . स्वाती भोर अपर पोलिस अधिक्षक श्रीरामपुर , मा . संदिप मिटके उपविभागीय पोलिस अधिकारी शेवगाव विभाग यांचे मार्गदर्शनाखाली शनिशिंगणापुर पोलिस स्टेशनचे स .पो.नि. कर्पे, स .फौ . सप्तर्षी, स.फौ . कांबळे, पो.हे .काँ. खैरे, पो.ना . लबडे, चा .पो.कॉ. म्हस्के, पो.कों . ठुबे, म .पो.कॉ. गोरे यांनी केलली आहे पुढील तपास स . फौ .एन .पी .सप्तर्षी हे करीत आहे.