ज्ञानगंगा इंग्लिश मेडियम स्कूल डिग्रसच्या विद्यार्थ्याची जिल्हास्तरीय स्केटिंग स्पर्धेत उत्तुंग भरारी, पृथ्वीराज तनपुरे याने मिळविला प्रथम क्रमांक .
Krushna Gaikwad
राहुरी तालुक्यात नावाजलेल्या ज्ञानगंगा इंग्लिश मेडियम स्कुलचा (डिग्रस ) विद्यार्थी पृथ्वीराज बाळासाहेब तनपुरे याने प्रियदर्शनी स्कूल भिंगार येथे नुकत्याच झालेल्या जिल्हास्तरिय स्केटिंग स्पर्धेत प्रथम क्रमांक मिळवून आपल्या शाळेचे नाव जिल्ह्यात गाजवले आहे . क्रिडा व युवक सेवा संचालनालय महाराष्ट्र राज्य पूणे 1 अंतर्गत जिल्हा क्रिडा अधिकारी कार्यालय अहमदनगर व प्रियदर्शनी स्कुल भिंगार यांच्या संयुक्त विद्यमाने जिल्हास्तरिय स्केटिंग स्पर्धेचे आयोजन करण्यात आले होते . जिल्हास्तरिय स्केटिंग स्पर्धेत चौदा वर्षे वयोगटात प्रथम क्रमांक मिळवणाऱ्या पृथ्वीराजची पुणे येथे होणाऱ्या विभागीय स्पर्धेसाठी निवड झाली आहे .
ज्ञानगंगा इंग्लिश मेडियम स्कुल मध्ये इयत्ता 7 वी मध्ये शिकणारऱ्या या विद्यार्थ्याचे सर्वत्र कौतुक होताना दिसत आहे . या विद्यार्थ्याच्या यशामागे या विद्यालयाचे क्रिडा शिक्षक विनायक गोरे यांचे विशेष मार्गदर्शन लाभले आहे . पृथ्वीराज तनपुरे या विद्यार्थ्याने मिळवलेला प्रथम क्रमांक व पुणे विभागिय स्पर्धेसाठी झालेल्या निवडीबदद्ल ज्ञानगंगा स्कुलचे प्राचार्य बाळासाहेब मिसाळ यांनी पृथ्वीराजचे अभिनंदन करून पूढील स्पर्धेसाठी शुभेच्छाही दिल्या आहेत .
