आज दि. २४/०३/२०२४ लोयोला सदन चर्च श्रीरामपूर येथे झावळ्याच्या रविवार मोठ्या उत्साहात साजरा करण्यात आला.
Prakash Nikale
श्रीरामपूर :- आज दि. २४/०३/२०२४ लोयोला सदन चर्च श्रीरामपूर येथे झावळ्याच्या रविवार मोठ्या उत्साहात साजरा करण्यात आला.त्याप्रसंगी रे.फा.ज्यो गायकवाड यांनी झावळ्याना आशिर्वाद देवून प्रार्थना केली व झावळ्याची मिरवणूक मदर तेरेसा चौक ते पुन्हा लोयोला सदन अशी मिरवणूक काढण्यात आली.याप्रसंगी लहान मूले मुली, संत कनोसा होस्टेल येथील सर्व विद्यार्थ्यांनी सहभागी होत्या त्याचबरोबर महिला मंडळ , पुरुष मंडळी मोठ्या प्रमाणावर उपस्थित होते.तसेच श्रीरामपूर धर्मग्रामाचे प्रमुख धर्मगुरू रे.फा.ज्यो गायकवाड व संत झेवियर स्कूलचे प्राचार्य रे.फा.टायटस,रे.फा.अनिल चक्रनारायण ,रे.फा.संपत भोसले यांच्या उपस्थितीत मिरवणूक व पवित्र मिस्सा अर्पण करण्यात आला.
याप्रसंगी प्रभू येशू ख्रिस्त स्वतः आपल्याला सांगतो की ,"आता मनुष्याच्या पूत्राचे गौरव होण्याची वेळ आली आहे."
प्रभू येशू ख्रिस्ताने त्याच्यावर विश्वास ठेवणाऱ्या सर्वांना अनंतकाळचे जीवन देण्यासाठी, त्याचे दुःख व जीवन अर्पण केले. आज प्रभू येशू ख्रिस्त आपल्याला त्याच्या जीवनावरच्या मार्गावर बलवान होण्यासाठी आमंत्रित करीत आहे. तो जेथे आहे तेथे आपण असावे अशी त्याची इच्छा आहे.
हे प्रभू येशू ख्रिस्ता तू खरोखर ह्या विश्वाचा राजा आहेस. तुझ्या ह्या वैभवात आम्ही सर्वांनी सहभागी होण्यास आम्ही पात्र व्हावे. म्हणून आम्हास कृपा ,शक्ती व सामर्थ्य दे.
याप्रसंगी संत लूकच्या सर्व सिस्टरर्स, कानोसा होस्टेलच्या सर्व सिस्टरर्स, सेवक प्रतिनिधी,लोयोला महिला मंडळ, विजय त्रिभुवन, कमलाकर पंडीत, उत्तमराव गायकवाड,सुवर्णा बोधक, निर्मला अमोलिक, राजू साळवे, सूरेश ठुबे, रविंद्र लोंढे, ललित गायकवाड,लाजरस गायकवाड, संदिप साळवे, फ़्रान्सिस शेळके,लेविन भोसले, लता बनसोडे, पुष्पा कोळगे यांच्यासह अनेक भाविकांची उपस्थिती होती. सर्वांनी या पवित्र आठवड्यात प्रायश्चित करून स्वतःचे परिवर्तन करून घ्यावे. अशी परमेश्वर पित्याची इच्छा आहे.
