महंत ह भ प गोपालगिरी महाराज यांच्या शुभहस्ते कारभारी देवा यांच्या मंदिराचे कलश रोहन सोहळा मोठ्या उत्साहात संपन्न.

बालाजी देडगा व (प्रतिनिधी युनूस पठाण)

नेवासा तालुक्यातील बालाजी देडगाव येथिल गोयकर वस्ती (जळगाव रोड )येथे वैकुंठवासी कारभारी देवा गोयकर यांच्या मूर्ती प्राणप्रतिष्ठा सोहळ्यानिमित्त महंत ह भ प गोपाल गिरी महाराज यांच्या शुभहस्ते कलश रोहन सोहळा पार पडला.

           सर्वप्रथम ह भ प गोपाल गिरी महाराज यांचे गजढोल , गजनृत्य मध्ये स्वागत करण्यात आले. व ब्राह्मणाच्या वेद मंत्राच्या उच्चाराने होम हवन करून कलश पूजन करण्यात आले व यानंतर महाआरतीचे आयोजन करण्यात आले होते.

          यावेळी वैकुंठवासी कारभारी देवा यांच्या मूर्तीची विधिवत पूजा करण्यात आली. यावेळी ह भ प गोपाल गिरी महाराज आशीर्वाद पर बोलताना म्हणाले की ,कारभारी देवा यांचे कार्य महान असून परमेश्वराची व रांजले गांजले यांची सेवा करता करता अनंतात विलीन झाले. व ते स्वतः देवच झाले म्हणून आज ते कारभारी देवा या नावाने महाराष्ट्रभर त्यांना ओळखत आहे.

            यावेळी ह भ प सुखदेव महाराज मुंगसे, बाळ देवा तांदळे गुरुजी ,पंढरीनाथ गोयकर, माजी सरपंच रामेश्वर गोयकर, माजी चेअरमन लक्ष्मणराव बनसोडे, उप सरपंच लक्ष्‍मणराव गोयकर, पोपटराव गोयकर ,सटवाजी गोयकर ,रंगनाथ गोयकर ,मोहन गोयकर , गोरक्षनाथ गोयकर व परिसरातील टकले, गोफणे ,कोकरे ,वाघमोडे, आदी कारभारी देवाचे भक्तगण मोठ्या संख्येने उपस्थित होते.

       या सोहळ्यानंतर महाप्रसादाचे आयोजन करण्यात आले होते. आलेल्या सर्व भाविकांचे माजी सरपंच रामेश्वर गोयकर यांनी आभार मानले.