डॉक्टर संध्याराणी मोहिते यांनाअप्रतिम मिडीयाचा चौथास्तंभ राज्यस्तरीय पत्रकार पुरस्कार घोषित

औरंगाबाद - अप्रतिम मिडीया च्या वतीने  बीट जर्नालिझम साठी दिल्या जाणाऱ्या चौथास्तंभ विशेष पत्रकारिता राज्यस्तरीय पुरस्कार 2022 घोषित करण्यात आलेले आहे. चौथास्तंभ राज्य पुरस्कारासाठी संपूर्ण राज्यातून विविध माध्यम प्रकारांच्या प्रतिनिधींनी नामांकन केली होती 2020 - 2021 या दोन वर्षांमध्ये संबंधित पत्रकाराने केलेल्या विशेष वृत्तांकन विश्लेषन व पुरस्कार निवड प्रक्रियेचा भाग म्हणून वेब संवादाद्वारे एखाद्या समस्येची केलेली मांडणी इत्यादी निकष लावण्यात आले होते.  त्यानुसार राजकारण ते पर्यावरण वृत्त या गटातून प्रथम, द्वितीय,तृतीय, व उत्तेजनार्थ अशा श्रेणीचे पुरस्कार घोषित करण्यात येत आहेत.अशी माहिती अप्रतिम मिडिया चे संचालक डॉक्टर श्री. अनिल फळे,संचालिका सौ.प्रीतम फळे निमंत्रक सर्वश्री श्री. राहुल शिंगवी,रणजीत कक्कड ,मानव  ठाकुर ,जगदीश माने,निशांत फळे यांनी दिली. पत्रकारिता अध्यापन गटातील एकमेव पुरस्कार डॉक्टर संध्याराणी मोहिते यांचे विद्यापीठातील पत्रकारिता अध्यापन (दृकश्राव्य मुद्रित माध्यमातील स्तंभलेखन ) या कार्याबद्दल घोषित झाला आहे. डॉक्टर संध्याराणी मोहिते यांची "डॉक्टरेट" एफ एम रेडिओ ची हिंदी भाषेची जागतिकीकरणात काय भूमिका आहे यावर आहे.मुद्रित माध्यमांची भाषा आणि जागतिकीकरण या विषयावर त्या डॉक्टरेट करणाऱ्या महाराष्ट्रातील पहिल्या खुल्या वर्गातील उमेदवार आहेत. मीडिया या विषयावर ग्रंथ 1) जनसंचार माध्यम और भाषा 2) मीडिया साहित्य और सामाजिक सरोकार हिंदी वैश्विक 3) हिंदी वैश्विक परिदृश्य 4) विचार धनसे जीवन क्रांती हिंदी अनुवाद तसेच रवींद्र टागोर यांच्या चीरकुमार सभा या नभो नाट्याचा मराठी अनुवाद आकाशवाणीच्या सर्वच केंद्रावरून प्रसारित  झाला आहे. वेद वर्तमानपत्रांमध्ये त्याचे लेखन आणि स्तंभ लेखन देखील चालू आहे. त्यांच्या निवडीबद्दल त्यांचे सर्व स्तरातून तसेच उच्चशिक्षित असणाऱ्या मस्ती की पाठशाला या ग्रुप तर्फे देखील डॉक्टर संध्याराणी मोहिते यांचे अभिनंदन करण्यात आले आहे. पुरस्कार विजेते यांना लवकरच मुंबई या ठिकाणी होणाऱ्या भव्य पुरस्कार वितरण समारंभात सन्मानित करण्यात येणार आहे. अशी माहिती अप्रतिम मीडिया चे संचालक श्री.अनिल फळे यांनी दिली आहे.