सोनई येथून सहाय्यक पोलीस निरीक्षक सचिन बागुल यांची तडकाफडकी बदली.
Sambhaji Bhanudas shinde
0
244
नेवासा तालुक्यातील सोनई पोलिस स्टेशनचे सहाय्यक पोलीस निरीक्षक सचिन बागुल यांची तडकाफडकी अहमदनगरच्या नियंत्रण कक्षात बदली करण्यात आली असून त्यांच्या जागी सहाय्यक पोलीस निरीक्षक माणिक चौधरी यांनी तत्काळ पदभार स्वीकारला आहे.
मृदा व जलसंधारण मंत्री शंकरराव गडाख यांचे स्वीय सहाय्यक राहुल राजळे यांच्यावर झालेल्या गोळीबार, गणेश वाडी येथील युवकास झालेली अमानुष मारहाण त्यानंतर गणेश वाडी ग्रामस्थांचे आंदोलन व नुकतीच खेडले परमानंद येथील माजी सरपंच यांना झालेली मारहाण अशा घटनांमुळे बागूल यांना जबाबदार धरून त्यांची बदली करण्यात आली .
सहाय्यक पोलीस निरीक्षक बागुल यांच्या अचानकपणे झालेल्या बदलामुळे परिसरात चर्चेला उधाण आले आहे.
