बालाजी देडगाव येथे महामानव डॉ. बाबासाहेब आंबेडकर यांची जयंती उत्साहात साजरा करण्यात आली.
Innus sharif Pathan
नेवासा तालुक्यातील आदर्शगाव बालाजी देडगाव येथे आदर्श ग्रामपंचायत मध्ये महामानव डॉ .बाबासाहेब आंबेडकर यांची जयंती मोठ्या उत्साहात साजरी करण्यात आली. प्रतिमेला पुष्पहार घालून व भिमगर्जना देऊन मोठ्या उत्साहात हा कार्यक्रम प्रगतशील बागातदार बन्सी पाटील मुंगसे यांच्या अध्यक्षतेखाली पार पडला.
यावेळी प्रास्ताविकात देडगाव चे विद्यमान सरपंच चंद्रकांत पाटील मुंगसे यांनी महामानव डॉ.बाबासाहेब यांना त्रिवार वंदन करून बाबासाहेब आंबेडकर हे जगाला प्रकाश देणारं नेतृत्व होतं ज्यांनी लोकशाहीच्या माध्यमातून पंचायत राज ची निर्मिती केली म्हणून आज या ठिकाणी आम्ही सर्वजण या पदावर आहोत. हि बाबासाहेबांची पुण्याई आहे. बाबासाहेबांची ख्याती या देशात नव्हे तर अख्या जगात ही जयंती साजरी केली जाते. या महामानवास द्यावे तितके धन्यवाद थोडे आहे व त्यांच्या जीवन चरित्र विषयी माहिती सांगितली.
यावेळी उपसरपंच लक्ष्मणराव गोयकर ग्रामपंचायत सदस्य अनिकेत भाऊ मुथा, अशोकराव मुंगसे पाटील संजय मुंगसे ,अरुण मुंगसे राहुल हिवाळे, मंगेश तिडके, संजय कुठे , बाळासाहेब म्हस्के,सूसे मामा व आदी मान्यवर उपस्थित होते. पत्रकार युनूस पठाण यांनी उपस्थितांचे आभार मानले.
