अक्षयत्रुतिया या दिवशी घरातून कामा करिता निघून गेलेला मातापुर येथील युवकाचा खून झाल्याचे निष्पन्न. .. .. !!!*
Prashantraje Shinde
श्रीरामपूर ::-- तालुक्यातील (अशोकनगर ) निपाणीवडगाव शिवारातील रेल्वे चौकी नंबर 1 या ठिकाणी असणाऱ्या देवकर वस्ती वर राहणाऱ्या श्री. रोकडे सर यांच्या शेतात दिनांक 11 मे 2022 या रोजी मातापूर येथील राहणारा तरुण सतीश बबन गायकवाड (वय -27) याचा मृतदेह आढळून आला होता. असे वृत् बी.पी.एस.लाईव्ह न्यूज या व्रुत्त वाहिनी मध्ये प्रसिध्द झाले होते.सदरील युवकाचा शवविच्छेदन अहवाल प्राप्त झाला असून त्या मध्ये या तरुणाचा खून करण्यात आला असल्याचे उघडकीस आले आहे. याप्रकरणी पोलिसांनी अज्ञात मारेकर्‍या विरुध्द खुनाचा गुन्हा दाखल केला आहे.
याप्रकरणी अधिक माहिती अशी की, मातापूर येथे राहणारा सतीश बबन गायकवाड, (वय 27) याचा निपाणीवडगाव शिवारात रेल्वे चौकी नंबर 1 या ठिकाणी शेतात अज्ञात व्यक्तीचा म्रुतदेह आढळला होता. म्रुतदेह व परिसराची पाहणी केली असता त्यावरून सतीश बबन गायकवाड या तरुणांची अदन्यात व्यक्तीने अज्ञात कारणाकरिता कशाने तरी गळा आवळून खून केला असल्याचे.शवविच्छेदन अहवालात निष्पन्न झाले आहे. या प्रकरणी प्रथम आकस्मात मृत्यूची नोंद शहर पोलिस ठाण्यात करण्यात आली होती. मयत सतीश गायकवाड याच्यावर अंत्यविधी व धार्मिक विधी झाल्यानंतर स्वतः सतीश याचे वडील बबन भानुदास गायकवाड, रा.मातापूर यांनी श्रीरामपूर शहर पोलिसांत तक्रार दिल्यावरून अज्ञात आरोपीविरूद्ध भा.दं.वि. कलम 302 प्रमाणे खुनाचा गुन्हा दाखल करण्यात आला आहे. घटनास्थळी अप्पर पोलीस अधीक्षक स्वाती भोर, डि.वाय.एस.पी.श्री. संदीप मिटके,पोलीस निरीक्षक श्री. संजय सानप यांनी भेट दिली. सतीश गायकवाड या तरुणाचा नेमका कोणी खून केला? कोणत्या कारणासाठी केला ? कसा केला? का केला? याचा पुढील तपास पोलीस निरिक्षक श्री सानप हे करीत आहेत. दि.6 मे ते 11 मे च्या दरम्यान ही घटना घडली आहे . व त्यानंतर त्याचा मृतदेह आढळून आला होता. मयत सतीश हा विवाहीत असून त्याला एक मुलगा असल्याचे समजते.
