हरिहर केशव गोविंदबनात माजी सैनिकांसाठी गोमय रक्षाबंधन साजरा
Kishor Bhagat
Kishor Bhagat
रक्षाबंधनचे औचित्य साधत चौथ्या श्रावणी सोमवारी बेलापूर खुर्द येथील केशव गोविंद बनात माजी सैनिकांना पर्यावरण पूरक अशा गोमय राख्या बांधून त्यांचा सन्मान करण्यात आला . हरिहर केशव गोविंद संस्थानच्या वतीने आयोजित या उपक्रमात श्रीरामपूर येथील लायन्स क्लब च्या सदस्यांनी सहभाग घेतला . या उपक्रमात वापरल्या गेलेल्या राख्या या देशी गायीच्या शेणापासुन बनवल्या होत्या . या कार्यक्रमास सुमारे 20 माजी सैनिक उपस्थीत होते . सुमारे ६० महिला भगीनींनी यावेळी रक्षाबंधन केले .
चौथा श्रावणी सोमवार असल्याने हरिहर केशव गोविंदाच्या दर्शनासाठी प्रचंड गर्दी झाली होती . या वेळी भल्या पहाटे मंगल वादयांच्या गजरात भाविकांनी पुणतांबा येथून पायी चालत आणलेल्या जलाने हरिहरांना जला भिषेक करण्यात आला . दर श्रावणी सोमवार प्रमाणे मोठी जत्रा यावेळी भरली होती . अश्या या पर्वावर केशव गोविंद संस्थानने असा पर्यावरणपूरक उपक्रम राबवून एक आदर्श समाजापूढे घालून दिला अशी सर्वत्र चर्चा आहे .
