श्रीराम माध्यमिक व उच्च माध्यमिक विद्यालयात जागतिक महिला दिन उत्साहात साजरा .
Krushna Gaikwad
शेवगाव तालुक्यातील ढोरजळगाव येथील श्रीराम मााध्यमिक व उच्च माध्यमिक विद्यालयात 8 मार्च जागतिक महिला दिन उत्साहात साजरा उत्साहात करण्यात आला. या कार्यक्रमाचे अध्यक्षस्थान विद्यालयातील ज्येष्ठ शिक्षिका सौ.मंजुश्री बुधवंत यांनी भूषविले.याप्रसंगी विद्यालयाचे प्राचार्य श्री कांतेश्वर ढोले उपस्थित होते. यावेळी विद्यालयातील शिक्षक आणि संस्था प्रतिनिधी श्री सुरेश तेलोरे यांनी महिला दिनानिमित्त आपले मनोगत व्यक्त केले.महिला दिनाचे औचित्य साधून परिसरातील विविध मान्यवर महिलांचा त्यांच्या घरी जाऊन विद्यालयाच्या वतीने सन्मान करण्यात आला व त्यांना महिला दिनाच्या शुभेच्छा देण्यात आल्या. कार्यक्रमाचे प्रास्ताविक सौ. सविता सातपुते यांनी केले.सूत्रसंचालन श्रीमती रूपाली चौधरी यांनी केले तर अनुमोदन श्रीमती पुनम वाबळे यांनी दिले. आभार श्रीमती स्वाती वाहुरवाघ यांनी मानले.
