आंबीत विहिरीतील मोटर चोरण्यासाठी आलेल्या टोळीतील एकाला ग्रामस्थांनी पकडले, दोघे फरार*
Devendra Ramesh Shinde 
*राहुरीतील आंबी येथे विहिरीतील मोटर-केसबल चोरीचा डाव फसला; ग्रामस्थांनी एका चोराला पकडून पोलिसांच्या स्वाधीन केले*
*आंबीत विहिरीतील मोटर चोरण्यासाठी आलेल्या टोळीतील एकाला ग्रामस्थांनी पकडले, दोघे फरार*
*राहुरी, दि. 23 मे 2026*: राहुरी तालुक्यातील आंबी येथे विहिरीतील पाणबुडी मोटर व केबल चोरण्यासाठी आलेल्या तीन भामट्यांपैकी एकाला ग्रामस्थांनी पकडून पोलिसांच्या ताब्यात दिले. ही घटना दि. 22 मे 2026 रोजी रात्री 10 वाजेच्या सुमारास घडली.
फिर्यादी शरद बापूसाहेब डुकरे, वय 45, हे आंबी शिवारात शेती करतात. रात्री विहिरीजवळ संशयित हालचाली दिसल्याने त्यांनी राजेंद्र डुकरे, सुभाष डुकरे व भाऊराव टाकसाळ यांना सोबत घेऊन धाव घेतली. तेथे तीन इसम दिसले. आवाज देताच दोघे मोटारसायकल जागेवर सोडून अंधाराचा फायदा घेत पळून गेले. मात्र एकाला ग्रामस्थांनी जागीच पकडले.
पकडलेल्या आरोपीने आपले नाव जमीर जहागीर शेख, वय 29, रा. चंदनझीरा, जालना असे सांगितले. तसेच पळून गेलेले अक्षय देठे, रा. राहुरी फॅक्टरी व एक अनोळखी इसम असल्याची माहिती दिली. विहिरीवरील पाणबुडी मोटर व केबल चोरण्यासाठी आलो असल्याची कबुली त्याने दिली.
शरद डुकरे यांच्या फिर्यादीवरून तिघांविरुद्ध गुन्हा रजि. नं. 565/2026, भारतीय न्याय संहिता कलम 3(5), 303(2), 62 प्रमाणे गुन्हा दाखल करण्यात आला आहे. पुढील तपास पोलीस निरीक्षक संजय ठेंगे यांच्या मार्गदर्शनाखाली सुरू आहे. फरार आरोपींचा शोध सुरू आहे.
*2. व्हॉट्सअॅप ब्रेकिंग*
