गडधे आखाड्यात एकाच रात्री दोन घरे फोडली; 1 तोळा सोने व 20 हजार रोख रकमेवर डल्ला*
Devendra Ramesh Shinde 
*राहुरी तालुक्यातील गडधे आखाडा येथे मध्यरात्री घरफोडी; सोने-रोख रकमेसह लाखांचा ऐवज लंपास*
*गडधे आखाड्यात एकाच रात्री दोन घरे फोडली; 1 तोळा सोने व 20 हजार रोख रकमेवर डल्ला*
*राहुरी, दि. 23 मे 2026*: राहुरी तालुक्यातील गडधे आखाडा येथे अज्ञात चोरट्यांनी शेजारी-शेजारी असलेल्या दोन घरांचे कुलूप तोडून घरफोडी केल्याची घटना दि. 22 मे रोजी पहाटे 3 च्या सुमारास उघडकीस आली. चोरट्यांनी घरातील सामानाची उचकापाचक करून सोन्याचे दागिने व रोख रक्कम असा मुद्देमाल लंपास केला.
फिर्यादी भागवत कोंडीराम कोळसे, वय 72, हे गडधे आखाडा येथे राहतात. त्यांचा मुलगा सटवाजी कोळसे कामानिमित्त बाहेरगावी गेल्याने त्यांच्या घराला कुलूप होते. दि. 22 मे रोजी पहाटे भागवत कोळसे व त्यांच्या पत्नी घराला कुलूप लावून घरासमोरील पटांगणात झोपले होते. याच संधीचा फायदा घेत अज्ञात भामट्यांनी भागवत व सटवाजी कोळसे या दोघांच्याही घराचे कुलूप तोडून आत प्रवेश केला.
चोरट्यांनी दोन्ही घरांतून मिळून 1 तोळा सोन्याचे दागिने, 20 हजार रुपये रोख व एक इलेक्ट्रॉनिक मशिन असा ऐवज चोरून नेला. पहाटे भागवत कोळसे यांच्या पत्नी झोपेतून उठून घरात गेल्या असता चोरी झाल्याचे लक्षात आले. घरापासून काही अंतरावर पेटी व कपडे पडलेले आढळले. पेटीतील मौल्यवान वस्तू चोरट्यांनी लंपास केल्या होत्या.
या घटनेमुळे गडधे आखाडा परिसरात भीतीचे वातावरण पसरले आहे. भागवत कोळसे यांच्या फिर्यादीवरून राहुरी पोलीस ठाण्यात गुन्हा रजि. नं. 560/2026, भारतीय न्याय संहिता कलम 305(अ), 331(3), 331(4) प्रमाणे घरफोडीचा गुन्हा दाखल करण्यात आला आहे. पोलीस निरीक्षक संजय ठेंगे यांच्या मार्गदर्शनाखाली पुढील तपास सुरू आहे.
*2. व्हॉट्सअॅप ब्रेकिंग*
