सामाजिक कार्यकर्ते व पत्रकारांनी जेष्ठ समाजसेवक अण्णा हजारे यांची घेतली भेट, भ्रष्टाचारविरोधी चळवळीत तरुणांनी सामील होण्याचं केलं आवाहन .

**जनतेचे निःस्वार्थ सेनानी* *अण्णा हजारे यांचं मार्गदर्शन – तरुणांना दिलं* *भ्रष्टाचारविरोधी चळवळीत सामील होण्याचं आवाहन* 

*

             जेष्ठ समाजसेवक पद्मभूषण व पद्मश्री पुरस्काराने सन्मानित भारताचे सामाजिक जननेते अण्णा हजारे यांची संभाजीनगर व अहिल्यानगर येथिल सामाजिक कार्यकर्ते व पत्रकार बंधुंनी नुकतीच भेट घेतली असून यावेळी विविध विषयावर चर्चा करण्यात आली आहे . राळेगणसिद्धी येथील निवासस्थानी भेटीदरम्यान अण्णा हजारे यांनी केलेल्या कार्याच्या आधारित संवाद साधण्यात आला. या भेटीत अण्णांनी त्यांच्या आयुष्यातील विविध आंदोलनांची माहिती दिली. त्यांचं कार्य पाहून आणि संग्रहालयातील वृत्तमालिका अनुभवून उपस्थित कार्यकर्ते भारावून गेले होते .

         या भेटीदरम्यान नेवासा, वैजापूर, राहुरी, श्रीरामपूर आणि गंगापूर येथील विविध सामाजिक कार्यकर्ते उपस्थित होते. संवादामध्ये लोकपाल विधेयक, माहिती अधिकार, व सध्याची राजकीय परिस्थिती यावर सखोल चर्चा झाली. अण्णांनी स्पष्ट शब्दात सांगितलं की, "देशातील तरुणांनी एकत्र येऊन भ्रष्टाचारमुक्त भारत घडवण्याच्या दिशेने पावले उचलली पाहिजेत. माहिती अधिकाराचा प्रभावी वापर करत समाजातील अन्यायाविरुद्ध लढा उभारावा."त्यांनी तरुण पिढीला मार्गदर्शन करताना असेही म्हटले की, *"आम्ही आमच्या जीवनाच्या संघर्षात अनेक न्यायप्रविष्ठ निर्णय मिळवून ठेवले आहेत. त्या निर्णयांना जोड देत तुम्ही आजच्या पिढीच्या प्रश्नांची उत्तरं शोधू शकता."* 

        अण्णांनी यावेळी सांगितले की, *16 फेब्रुवारी* रोजी झालेला संवाद त्यांच्यासाठीही महत्त्वाचा होता *. "लोकपाल विधेयक संमत झालं हे पाहून समाधान वाटतं,"* असे उद्गार उपस्थितांशी बोलताना काढले.या भेटीत अण्णांनी केलेल्या विविध उपोषणांची, आंदोलनांची माहिती दिली. त्यांच्या या कार्यातून तरुणांना आणि समाजसेवकांना प्रेरणा मिळते. जनतेच्या प्रश्नांसाठी अहिंसक मार्गाने आणि निःस्वार्थ भावनेने संघर्ष कसा करावा, याचा आदर्श त्यांच्या कार्यातून दिसतो.

*आदरणीय अन्नाचे तरुणांना मार्गदर्शन*

      यादरम्यान आलेल्या कार्यकर्त्यांनी नेवासा,राहुरी,वैजापूर,गंगापूर, श्रीरामपूर,शेवगाव तालुक्यातील काही महत्वाच्या चालू घडामोडीवर विशेष चर्चा झाली यात आदरणीय अन्नाचे मोलाचे मार्गदर्शन लाभले.

 *अण्णा हजारे यांच्या ठळक उपक्रमांची वैशिष्ट्ये:* 

राळेगणसिद्धीतील ग्रामविकासाचे मॉडेल

१९९७ पासून सुरू झालेली माहिती अधिकार चळवळ

२०११ मधील लोकपाल विधेयकासाठी केलेलं ऐतिहासिक उपोषण

भ्रष्टाचारविरोधी आंदोलने व सार्वजनिक पैशाचा योग्य वापर यासाठी दिलेला लढा

            या महान कार्यकर्त्याशी झालेला संवाद ही आमच्यासाठी स्फूर्तीदायक भेट होती. अण्णांच्या मार्गदर्शनातून आम्हाला नवीन दिशा मिळाली असून, त्यांचं स्वप्न साकार करण्यासाठी आम्ही झटत राहू. असे सामाजिक कार्यकर्ते व दक्ष पत्रकार तालुकाध्यक्ष असोसिएशनचे नरेंद्र पाटील काळे यांनी सांगितले यावेळी त्यांच्याबरोबर दक्ष पत्रकार असोसिएशनची संस्थापक सचिन मोईन व संजय ठुबे श्री देशमुख, तसेच कदम साहेब अनेक पदाधिकारी उपस्थित होते .