पुणे या ठिकाणी घटस्फोटीत,विधुर,विधवा यांच्यासाठी वधू वर मेळायचे आयोजन. .! !
Prashantraje Shinde
पुणे ::--
पुणे या ठिकाणी वधू-वर मेळावा संयोजक श्रीधर भोसले यांनी स्व. दादाभाऊ भोसले प्रतिष्ठान च्या वतीने पुण्यात पिंपरी येथे दहा डिसेंबर रोजी खास विधवा, विधुर व घटस्फोटित यांच्यासाठी 132 व्या विशेष वधू-वर परिचय मेळाव्याचे आयोजन करण्यात आले होते.या सामाजिक उपक्रमाचे उदघाटन प्रसिद्ध उद्योजक मा. श्री. विश्वास दळवी यांच्या शुभहस्ते झाले. यावेळी रेव्ह. रमेश साळवी, ऍड. अंतोन कदम, दिलीप गायकवाड, डॉ. मनीषा शिरसाठ, यांनी उपस्थितांना उत्तम मार्गदर्शन केले. प्रपंचामध्ये वेगवेगळ्या कारणांनी अनेकांचे वैवाहिक जीवन विस्कळीत झालेले असताना अशा विशेष मेळाव्यातून पुनर्विवाहासाठी प्रत्येकाला जोडीदार नक्कीच मिळेल हा विश्वास मान्यवरांच्या वक्तव्यातून यावेळी दिसून आला. या उपक्रमात पूर्ण महाराष्ट्र राज्यातून आलेल्या विवाहेछुकांची 150 हुन अधिक उपस्थिती दिसून आली. हा कार्यक्रम यशस्वी होण्यासाठी राजू चंदनशिव, बाळासाहेब थोरात, अजय त्रिभुवन, सॅम्युएल जाधव इत्यादींनी परिश्रम घेतले.
