नेवासा तालुक्यातील शहापूर येथील शिवाजी शिंदे याने प्रथम पोलिस होण्याचा मिळवला मान.
Innus sharif Pathan
बालाजी देडगाव ( प्रतिनिधी युनूस
पठाण)नेवासा तालुक्यातील शहापूर या गावी शिवाजी पांडुरंग शिंदे यांची महाराष्ट्र पोलीस दलात (मुंबई पोलीस)निवड झाल्याबद्दल ग्रामस्थांच्या वतीने सत्कार करण्यात आला.
अतिशय पुरोगामी विचाराचे समजले जाणारे हे गाव आणि या गावातील एक तरुण युवक शिवाजी शिंदे यांनी प्रथम पोलीस होण्याचा मान मिळवला आहे . अतिशय परिस्थिती हालाखीची परंतु तिला छेद देत खडतर जीवनाचा प्रवास करत ,आता झालेल्या महाराष्ट्र पोलीस दलाच्या परीक्षेत भरघोस गुण मिळवून मोठ्या प्रमाणात यश खेचून आणले.आई वडील एक गरीब शेतकरी कुटुंबातील .शेतकऱ्याची व्यथा लक्षात घेता या तरुणांनी या गावात जणू काही एक इतिहास घडवला आहे.आतापर्यंत या गावात महाराष्ट्र पोलीस दलात एकही कार्यरत नसल्याने या तरुणांच्या यशाबद्दल शहापूर परिसरात कौतुक व अभिनंदनाचा वर्षाव होत आहे.
या महाराष्ट्र पोलीस दलाच्या निवडीबद्दल शहापूर ग्रामस्थांच्या वतीने भव्य सत्कार करत .मेजर शिवाजी पांडुरंग शिंदे यांना केक भरवण्यात आला. व ग्रामस्थांच्या वतीने पुढील कार्यास शुभेच्छा देण्यात आल्या .यावेळी शहापूर ग्रामस्थ व परिसरातील मान्यवर मोठ्या संख्येने उपस्थित होते.
