ज्ञानगंगा इंग्लिश मीडियम स्कूल डिग्रसच्या विद्याथिनिंची विभागीय पातळीवर निवड .
Sachin Vasant Pawar
शालेय जिल्हास्तरीय बॅडमिंटन स्पर्धेमध्ये ज्ञानगंगा इंग्लिश मीडियम स्कूल डिग्रस (राहुरी )ची विद्यार्थीनी कुमारी धनश्री संदीप काळे इयत्ता आठवी हिची पुणे विभागीय पातळीवर निवड झाली आहे .
क्रीडा व युवक सेवा संचालनालय महाराष्ट्र राज्य पुणे एक अंतर्गत जिल्हा क्रीडा कार्यालय अहमदनगर व बॅडमिंटन असोसिएशन आयोजित दिनांक 26 नोव्हेंबर रोजी झालेल्या जिल्हास्तरीय शालेय बॅडमिंटन स्पर्धेमध्ये ज्ञानगंगा इंग्लिश मीडियम स्कूल ने अहमदनगर जिल्यात दुसरा क्रमांक पटकावला आहे. सिंगल खेळ प्रकारात कुमारी धनश्री संदीप काळे हिची पुणे विभागीय पातळीवर निवड झाली असून दुहेरी खेळ प्रकारात धनश्री काळे व हर्षाली राठोड या दोघींचा अहमदनगर जिल्ह्यात दुसरा क्रमांक आला आहे.
त्याच्या या धडाकेबाज यशाबद्द्ल ज्ञानगंगा फाउंडेशनच्या अध्यक्षा सौ. लक्ष्मी मिसाळ व प्राचार्य बाळासाहेब मिसाळ तसेच क्रीडा शिक्षक विनायक गोरे व सर्व शिक्षक वृंद यांनी दोन्ही खेळाडूंचे अभिनंदन केले व पुढील पुणे विभागीय स्पर्धेसाठी शुभेच्छा दिल्या. सध्याच्या युगामध्ये मुलींना शिक्षणाबरोबरच खेळामध्ये सहकार्य करून प्रोत्साहन देणाऱ्या श्री .संदीप काळे व सौ. विद्या काळे ( वांबोरी ) या मातापित्यांचेही सर्वत्र कौतुक होत आहे . विद्यार्थिनिंच्या या यशाबद्दल तालुक्यामध्ये सर्वत्र कौतुक होताना दिसत आहे .
