28 वर्षीय महिलेची गळफास घेऊन आत्महत्या,उपचाराला दाखल करण्यापूर्वीच मृत्यू.

अहिल्यानगर जिल्हा प्रतिनिधी//

वडाळा बहिरोबा येथे २८ वर्षीय महिलेचा गळफास घेऊन मृत्यू

एफ.जे.एफ.एम. रुग्णालयात उपचारासाठी दाखल करण्यापूर्वीच मृत्यू; शनिशिंगणापूर पोलिसांत अकस्मात मृत्यूची नोंद

   वडाळा बहिरोबा, ता. नेवासा : वडाळा बहिरोबा (ता. नेवासा) येथे २८ वर्षीय महिलेने गळफास घेऊन मृत्यू झाल्याची घटना घडली आहे ही घटना बुधवार, दि. २६ ऑगस्ट रोजी घडली. या घटनेमुळे परिसरात हळहळ व्यक्त होत असून, मृत्यूचे नेमके कारण अद्याप स्पष्ट झालेले नाही.पोलीस ठाण्याच्या दैनिक अहवालानुसार, मोहिनी रंगनाथ भवार (वय २८, रा. वडाळा बहिरोबा, ता. नेवासा, जि. अहिल्यानगर) असे मृत महिलेचे नाव आहे. त्यांना वडाळा बहिरोबा येथील एफ.जे.एफ.एम. हॉस्पिटलमध्ये आणण्यात आले होते. रुग्णालयाकडून पोलिसांना या घटनेची माहिती देण्यात आली.रुग्णालयाच्या वैद्यकीय अधिकाऱ्यांकडून प्राप्त झालेल्या डेथ मेमो क्रमांक ३८४/२०२६ नुसार, संबंधित महिलेला मृतावस्थेत आणण्यात आल्याचे नमूद आहे. प्राथमिक माहितीनुसार, दि. २६ ऑगस्ट रोजी सायंकाळी ५.३० वाजण्यापूर्वी तिने गळफास घेतल्याचे अहवालात नमूद करण्यात आले आहे.

घटनेची माहिती मिळताच शनिशिंगणापूर पोलिसांनी पंचनामा व आवश्यक कायदेशीर प्रक्रिया सुरू केली. या प्रकरणी भारतीय नागरिक सुरक्षा संहिता (BNSS) कलम १९४ अन्वये अकस्मात मृत्यूची नोंद करण्यात आली आहे. मृत महिलेच्या नातेवाईकांकडून मिळालेल्या माहितीनुसार पुढील तपासाची प्रक्रिया सुरू आहे.दरम्यान, या घटनेमागील नेमके कारण काय, याबाबत अद्याप अधिकृत माहिती समोर आलेली नाही. कौटुंबिक, वैयक्तिक अथवा अन्य कोणत्या कारणामुळे ही घटना घडली का, याचा तपास पोलिसांकडून केला जात आहे. तपास पूर्ण झाल्यानंतरच मृत्यूमागील कारण स्पष्ट होण्याची शक्यता आहे.

या प्रकरणाचा तपास शनिशिंगणापूर पोलीस ठाण्याचे अधिकारी व कर्मचारी करीत आहेत. पोलिसांनी घटनास्थळावरील परिस्थिती तसेच संबंधित व्यक्तींचे जबाब याबाबत तपास सुरू केला आहे.