राष्ट्रवादी कांग्रेस पार्टी कडून चारे येथे पोलीस जाणीव सेवा संघ महाराष्ट्र राज्य बार्शी टीम चा कोविड योद्धा ट्रॉफी देऊन सन्मान.

बी पी एस राष्ट्रीय लाईव्ह न्यूज.

जिल्हा प्रतिनिधी- सम्मेद तरटे

बार्शी.(ता.बार्शी).दि.14-03-2022 रोजी चारे या गावी कार्यक्रम दरम्यान पोलीस जाणीव सेवा संघ महाराष्ट्र राज्य बार्शी शहर व तालुका पदाधिकारी, सदस्य यांचा राष्ट्रवादी काँग्रेस पार्टी सोलापूर जिल्हा महिला उपाध्यक्ष- सौ. शामलताई दादासाहेब काशीद यांच्यावतीने कोव्हीड योद्धा (प्रमाणपत्र) ट्रॉफी देऊन सन्मान करण्यात आला.

त्यावेळी राष्ट्रवादी कमिटीचे नेते यांनी पोलीस जाणीव सेवा संघ बार्शी टीमने कोरोना च्या काळात निस्वार्थ भावनेने सेवा केली, त्यावेळी कोरोना च्या भीतीने घराच्या बाहेर पडणं सुद्धा मुश्कील होतं त्या परिस्थितीत पोलीस जाणीव सेवा संघाने पोलिसां सोबत जाऊन त्यांना मदत केली. त्यांनी कसल्याही प्रकारची मनात भीती न बाळगता जनतेची व पोलीस बांधवांची सेवा केली अशा शब्दात त्यांनी संघाचे कौतुक करून आदर सन्मान दिला.

त्यावेळी राष्ट्रवादीचे युवा नेते मा.निरंजन भूमकर, सोलापूर जिल्हा महिला अध्यक्ष- सौ. सुप्रियाताई गुंडपाटील, उपजिल्हाध्यक्ष सौ. शामलताई दादासाहेब काशीद चारे येथील सरपंच सौ. सुनीता ताई जगदाळे, उपसरपंच- श्री प्रशांत जगदाळे तसेच राष्ट्रवादीचे नेते उपस्थित होते.

उपस्थित मान्यवर पोलीस जाणीव सेवा संघ महाराष्ट्र राज्य बार्शी तालुका विभाग प्रमुख- श्री उमेश आनेराव, उपविभाग प्रमुख- श्री समाधान विधाते, बार्शी तालुका संपर्कप्रमुख- श्री सम्मेद तरटे, बार्शी तालुका महिला अध्यक्ष- सौ सुप्रियाताई काशीद, बार्शी तालुका कार्याध्यक्ष- श्री अजय दराडे, बार्शी शहराध्यक्ष- श्री अभिजीत माळी, बार्शी शहर सदस्य- श्री आनंद बोराडे आदी उपस्थित होते.