भरधाव ट्रकच्या धडकेत दुचाकीवरील दोघे गंभीर जखमी..!!
Mayur Kumre
तालुका प्रतिनिधी- मयुर बी. कुमरे
काटोल :- भरधाव ट्रकच्या धडकेत दुचाकीवरील दोघे गंभीर जखमी झाले.ही घटना काटोल पोलीस स्टेशनच्या हद्दीतील झिल्पा बस स्टॉप परिसरात शुक्रवार दिनांक 8 ला घडली जखमींवर काटोल येथील ग्रामीण रुग्णालयात प्राथमिक उपचारानंतर नागपूर येथे हलविण्यात आले.
सुनील गुंडेराव ढोले (४५) व रामदास महादेव मोरे (५२ ) दोन्ही या. झिल्पा तालुका काटोल अशी जखमींची नावे असून सुनील ढोले हा दुचाकी चालवित होता दोघेही एम एच 40/एजे-५७१५ क्रमांकाच्या दुचाकीने गोंडीखापा शिवारातून गावाकडे परत जात होते. दरम्यान झिल्पा बस स्टॉप परिसरात सावनेर कडून झिल्पा मार्गे गोंडीखापा गावाच्या दिशेने जात असलेल्या एम एच 32/बी- ४७०७ क्रमांकाच्या ट्रक ने झिल्पा येथून वळण घेताना त्यांच्या दुचाकीला जोरात धडक दिली. यात दुचाकी ट्रकच्या समोरील भागात आल्याने दुचाकी वरील सुनील व रामदास दोघेही गंभीररित्या जखमी झाले स्थानिक नागरिकांनी दोन्ही जखमींना काटोल येथील ग्रामीण रुग्णालयात दाखल केले तिथे प्राथमिक उपचार केल्यानंतर दोघांनाही नागपूर येथे उपचारार्थ हलविण्यात आले.
