दिगंबरा दिगंबरा श्रीपाद वल्लभ दिगंबरा या जय घोषाने दत्त जन्मोत्सव मोठ्या उत्साहात साजरा.
Innus sharif Pathan
बालाजी देडगाव :- (प्रतिनिधी युनूस पठाण) नेवासा तालुक्यातील बालाजी देडगाव येथे दत्त जयंती म्हणजेच श्री. दत्त जन्मोत्सव सोहळा मोठ्या उत्साहात साजरा करण्यात आला.
हा सोहळा ह .भ .प .सुखदेव महाराज मुंगसे यांच्या अधिपत्याखाली तर त्यांच्या कीर्तनाने पार पडला. कीर्तनामधून भगवान श्री दत्त यांच्या जन्मा विषयी माहिती सांगत दत्तांचे पूर्ण वर्णन केले. व नंतर फुले वाटून श्री. दत्त जन्मोत्सव सोहळा महिलांनी पाळणा गीत म्हणत मोठ्या उत्साहात साजरा केला . या पाळण्यासाठी अनेक महिलांनी सहभाग घेतला होता. यावेळी दिगंबरा दिगंबरा श्रीपाद वल्लभ दिगंबरा या नामघोषाने परिसर दुमदुमून गेला होता. हजारोच्या संख्येने भाविक उपस्थित होते.
राष्ट्रीय स्वयंसेवक संघाच्या वतीने दत्त मंदिर परिसरात विद्युत रोषणाई मोठ्या प्रमाणात करण्यात आली होती .तर दत्त जन्मोत्सव सोहळा फटाक्याच्या आतषबाजी मध्ये हा सोहळा पार पडला. यानंतर लगेचच महाप्रसादचे आयोजन करण्यात आले होते. यामध्ये भाविकांनी मोठा सहभाग घेतला होता.
या दत्त जयंती सोहळ्याचे आयोजन राष्ट्रीय स्वयंसेवक संघ व दत्त मंदिर देवस्थान विश्वस्त यांनी केले तर या सोहळ्यासाठी मोठे योगदान दिले. या सोहळ्यासाठी परिसरातील ग्रामस्थ व बालाजी भजनी मंडळ यांनीही मोलाचे योगदान दिले.
