सावता तरुण मंडळातर्फे जिल्हा परिषद तांबे वस्ती शाळेस डिजिटल बोर्ड भेट.
Innus sharif Pathan
सावता तरुण मंडळातर्फे तांबे वस्ती शाळेस डिजिटल बोर्ड भेट
बालाजी देडगाव (प्रतिनिधी)- नेवासा तालुक्यातील बालाजी देडगाव येथील सावता तरुण मंडळ यांच्यातर्फे येथील जिल्हा परिषद प्राथमिक शाळा तांबे वस्ती शाळेसाठी डिजिटल बोर्ड बसवण्यात आला. या डिजिटल बोर्डचे अनावरण सरपंच चंद्रकांत मुंगसे पाटील व मान्यवरांच्या उपस्थितीत करण्यात आले.
यावेळी उपसरपंच महादेव पुंड, ज्येष्ठ पत्रकार बन्सीभाऊ एडके, माजी चेअरमन संतोष तांबे, ग्रामपंचायत सदस्य अंबादास तांबे, शाळा व्यवस्थापन समितीचे अध्यक्ष विष्णू तांबे, बंडू तांबे, गणेश औटी,शाळा व्यवस्थापन समिती सदस्य योगेश तांबे, केंद्र शाळेचे मुख्याध्यापक सतिषकुमार भोसले सर, सावाता तरुण मंडळाचे सदस्य, शाळेचे शिक्षक, विद्यार्थी आदी उपस्थित होते.
यावेळी सरपंच चंद्रकांत मुंगसे यांनी विद्यार्थ्यांना मार्गदर्शन केले. तसेच सावता तरुण मंडळाच्या उपक्रमाचे कौतुक केले. सावता तरुण मंडळातील युवकांनी गावातील सर्व ग्रामस्थांसमोर एक नवीन आदर्श ठेवला असल्याचे यावेळी सरपंच चंद्रकांत मुंगसे म्हणाले. कार्यक्रमाचे सूत्रसंचालन शाळेचे शिक्षक नांगरे सर यांनी केले. तर आभार प्रदर्शन शाळेचे मुख्याध्यापक कचरे सर यांनी केले.
