बालाजी देडगाव येथे शारदाताई फाउंडेशनच्या वतीने जीवनगौरव पुरस्कार सोहळ्याचे आयोजन.
Innus sharif Pathan
*बालाजी देडगाव येथे शारदाताई फाउंडेशन च्या वतीने जीवन गौरव पुरस्कार सोहळ्याचे आयोजन.*
बालाजी देडगाव :- (प्रतिनीधी युनूस पठाण) :- नेवासा तालुक्यातील बालाजी देडगाव येथे रविवार दिनांक २८ रोजी सकाळी ९ .वाजता शारदाताई फाउंडेशन च्या वतीने ज्येष्ठांचा जीवनगौरव पुरस्कार सोहळा (७० वर्षावरील वृद्धांचा सन्मान) संपन्न होणार आहे. या सोहळ्यात देडगाव परिसरातील वृद्धांचा समावेश असणार आहे.
महाराष्ट्र राज्याचे माजी मृद जलसंधारण मंत्री विद्यमान आमदार शंकरराव गडाख यांच्या मार्गदर्शनाखाली व शारदाताई फाउंडेशनच्या मा. सभापती सुनीताताई गडाख यांच्या सहकार्याने व ह भ प उद्धव महाराज मंडलिक यांच्या आशीर्वादाने हा सोहळा संपन्न होत आहे. परिसरातील वृद्धांचा सन्मान करून त्यांच्या जीवनात आनंद देण्याकरिता हे फाउंडेशन काम करत आहे . या माध्यमातून दरवर्षी अनेक उपक्रम राबवले जातात.म्हणूनच ज्येष्ठांचा आदर करूया अनुभवाचा सन्मान ठेवूया या ऊक्ती प्रमाणे वयोवृद्ध, तपोवृद्ध व्यक्तींचा ट्रॉफी ,शाल ,श्रीफळ देऊन सन्मान करण्यात येणार आहे.
या सन्मान सोहळ्यासाठी देडगाव परिसरातील सर्व ज्येष्ठ नागरिक व ग्रामस्थ यांनी उपस्थित राहून कार्यक्रमाची शोभा वाढवावी असे आवाहन पुण्यश्लोक अहिल्यादेवी माध्यमिक व उच्च माध्यमिक विद्यालय व शारदाताई फाउंडेशनच्या वतीने करण्यात आली आहे.
