पद्मभूषण डॉ. कर्मवीर भाऊराव पाटील यांची १३६ वी जयंती उत्साहात साजरी करण्यात आली.
Sambhaji Bhanudas shinde
म्हैसाळमध्ये कर्मवीर जयंती उत्साहात साजरी
म्हैसाळ : रयत शिक्षण संस्थेच्या म्हैसाळ येथील कर्मवीर भाऊराव पाटील माध्यमिक व उच्च माध्यमिक विद्यालयात रयत शिक्षण संस्थेचे संस्थापक, पद्मभूषण डॉ. कर्मवीर भाऊराव पाटील यांची १३६ वी जयंती उत्साहात साजरी करण्यात आली.
यावेळी विद्यालयाच्या स्कूल कमिटीचे सदस्य श्री. पुष्पराज शिंदे - म्हैसाळकर यांच्या हस्ते कर्मवीर भाऊराव पाटील व त्यागमूर्ती लक्ष्मीबाई भाऊराव पाटील यांच्या प्रतिमेचे पूजन करण्यात आले. यावेळी विद्यालयाचे मुख्याध्यापक श्री. कदम सी. डी., पर्यवेक्षक श्री. लादे एस. डी. व सर्व शिक्षक उपस्थित होते.प्रतिमापूजन झाल्यानंतर सजवलेल्या ट्रॅक्टर मधून कर्मवीर भाऊराव पाटील यांच्या प्रतिमेची म्हैसाळ गावातून ढोल, ताशा, लेझीम, झांज व झेंडा पथकाच्या निनादात भव्य - दिव्य मिरवणूक काढण्यात आली. म्हैसाळ गावात ठिकठिकाणी कर्मवीर भाऊराव पाटील यांच्या प्रतिमेचे पूजन करण्यात आले. मिरवणूकीनंतर विद्यालयातील सर्व विद्यार्थ्यांना स्नेहभोजन देण्यात आले.
