*राज्यातील शाळांना 2 मे पासून उन्हाळी सुट्टी; सध्याचे शैक्षणिक वर्ष 13 जून पासून सुरू होणार*

बी पी एस राष्ट्रीय न्यूज मुंबई

सोलापूर जिल्ह्या प्रतिनिधी- सम्मेद तरटे

             दि.11- संपूर्ण राज्यातील शाळांच्या कालावधी मध्ये एक वाक्यता व सुसंगती खाण्यासाठी 2 मे पासून राज्यातील प्राथमिक माध्यमिक व उच्च माध्यमिक शाळांना सुट्टी लागू होणार असून 2022 - 23 या शैक्षणिक वर्षात सोमवार दिनांक 13 जून रोजी शाळा सुरू करण्याचा निर्णय शासनाने घेतला आहे.

2022 ची उन्हाळी सुट्टी आगामी शैक्षणिक वर्ष 2020- 23 मध्ये शाळा सुरू करण्याबाबत शासन स्तरावरून निर्णय घेण्याची बाब विचाराधीन होती त्यानुसार या बाबत चे परिपत्रक जारी केले आहे. दिनांक 2 मे 2022 पासून उन्हाळी सुट्टी लागू करण्यात येणार आहे.

सदर सुट्टीचा कालावधी दिनांक 12 जून 2022 पर्यंत ग्राह्य धरण्यात येऊन सन 2022-23 मधील पुढील शैक्षणिक वर्षात दुसरा सोमवार दिनांक 13 जून 2022 रोजी शाळा सुरु करण्यात येतील. इयत्ता पहिली ते नववी व अकरावी चा निकाल दिनांक 30 एप्रिल 2022 रोजी अथवा त्यानंतर सुट्टीच्या कालावधीत लावता येईल. तथापि तो निकाल विद्यार्थी / पालकांपर्यंत पोचविण्याची जबाबदारी संबंधित शाळेची राहील.

शाळेतून उन्हाळ्याची व दिवाळीची दीर्घ सुट्टी कमी करून त्याऐवजी गणेशोत्सव व नाताळ या सारख्या सणाच्या प्रसंगी ती सन्मान योजना निधी संबंधित जिल्ह्याच्या शिक्षणाधिकारी (प्राथमिक/ माध्यमिक) यांच्या परवानगी न घेता येईल. तथापि माध्यमिक शाळा संहितेनुसार शैक्षणिक वर्षातील सर्व प्रकारच्या एकूण सुट्ट्या 76 दिवसापेक्षा जास्त होणार नाहीत याची दक्षता घ्यावी.

आगामी शैक्षणिक वर्षापासून यापुढे दरवर्षी राज्यातील सर्व प्राथमिक माध्यमिक व उच्च माध्यमिक शाळा जून महिन्यापासून दुसऱ्या सोमवारी (त्या दिवशी सार्वजनिक सुट्टी असल्यास नंतरचा दिवस) तसेच विदर्भातील तापमान लक्षात घेता जून महिन्यातील चौथ्या सोमवारी (त्या दिवशी सार्वजनिक सुट्टी असल्यास नंतरचा दिवस) जी तारीख असेल त्या तारखेपासून शाळा सुरु होतील असेही या परिपत्रकान्वये स्पष्ट करण्यात आली आहे.