*उभ्या असलेल्या कंटेनरला पाठीमागून कारची धडक; दोन बालकांसह पाच जण जागीच ठार, अक्कलकोटला जात असताना सोलापूर येथे अपघात*
Sammed Trilokchand Tarte 
बी पी एस राष्ट्रीय लाईव्ह न्यूज सोलापूर
जिल्हा प्रतिनिधी- सम्मेद तरटे
सोलापूर. मिरज वरून आल्यानंतर पंढरपूरचे दर्शन करून अक्कलकोट येथे जात असताना रस्त्यामध्ये कंटेनर उभा होता त्या कंटेनर ला जोरदार धडक बसली. हा अपघात सोलापूर येथील कृषी उत्पन्न बाजार समिती समोर झाला. हा अपघात इतका भयानक होता की पूर्ण गाडीचा चुरा झाला होता. या अपघातात पाच जण जागीच ठार झाले असून तिघे जण गंभीर जखमी झाले आहेत. त्या मृतात दोन मुलांचा ही समावेश आहे. हा अपघात दि.25 एप्रिल रोजी दुपारी तीनच्या सुमारास झाला.
या अपघातामध्ये गौरी दिलीप जाधव (वय 9 रा मिरज, सांगली), सचिन अण्णासाहेब शितोळे (वय 35 रा. धारवाड, कर्नाटक), दिलीप जाधव (वय 40 रा. मिरज, सांगली), सोजाबाई जाधव (वय 55 मिरज) लाडू दिलीप जाधव (वय 3 रा. मिरज) हे जागीच ठार झाले. रेखा दिलीप जाधव (वय 35 रा. मिरज) या गंभीर रित्या जखमी आहेत. विनायक देवकर वय 16 रा. धारवाड, हुबळी), इशा दिलीप जाधव (4)जन सुखरूप बचावले.
शितोळे देवकर व जाधव हे एकमेकांचे नातेवाईक होत. सोमवारी सकाळी लवकर हे सर्व मिळून मिरज वरून पंढरपूर येथे कार ने आले होते. पंढरपूर येथे दर्शन करून ते अक्कलकोट येथे निघाले असता सोलापूर येथील मार्केट यार्ड जवळ उभी असलेल्या कंटेनरला पाठीमागून जोरदार धडक बसली व पूर्ण कार ट्रकच्या पाठीमागून हात घुसली व त्यांच्यावर काळाचा घात झाला.
