वाळूचे भाव उतरणार, घर बांधकाम करणाऱ्यांना मोठा दिलासा ! राज्यातील वाळू, रेती उत्खननाबाबत नवीन धोरणास मंत्रिमंडळाची मान्यता !!
Waahid sheikh
वाळूचे भाव उतरणार, घर बांधकाम करणाऱ्यांना मोठा दिलासा ! राज्यातील वाळू, रेती उत्खननाबाबत नवीन धोरणास मंत्रिमंडळाची मान्यता !!
https://bpslivenews.in
प्रतिनिधि-वाहिदशेख ( ब्यरो रिपोर्टर )
मुंबई-नागपुर- दि. 20 - राज्यातील नदी व खाडी पात्रातील वाळू, रेती उत्खननाबाबतचे आता असलेले धोरण रद्द करून, जनतेस माफक दरात वाळू मिळावी या दृष्टीने वाळू, रेती उत्खननाबाबत सर्वंकष असे सुधारित धोरण लागू करण्याचा निर्णय आज झालेल्या मंत्रिमंडळ बैठकीत घेण्यात आला.
बैठकीच्या अध्यक्षस्थानी मुख्यमंत्री उद्धव ठाकरे होते. राज्यात नदी पात्रातील व खाडी पात्रातील वाळू, रेती निष्कासनासाठी शासन निर्णय दि. 03/09/2019 व दि. 21/05/2015 अशा या दोन शासन निर्णयांद्वारे धोरण निश्चित करण्यात आले होते. हे धोरण रद्द करण्यात आले आहे.
https://bpslivenews.in
जनतेस माफक दरात वाळू मिळावी म्हणून हातची किंमत स्वामित्वधनाच्या (रॉयल्टी) दराने करण्यास, वाळू उत्खननाचा कालावधी 5 वर्षांपर्यंत वाढवण्यास आणि यशस्वी लिलावधारकास हेतूपत्र मिळाल्यानंतर पर्यावरण अनुमती प्राप्त करून घेण्यास त्याचप्रमाणे खाडीपात्रात हातपाटीने वाळू काढण्याच्या पारंपारिक व्यवसायाकरिता स्वामित्वधनाच्या दराने परवाने देण्याचा समावेश करून हे एकत्रित सुधारित धोरण तयार करण्यात आले आहे .
