*बार्शी पोलीसांचे सर्वत्र कौतुक; दुचाकी चोर पकडत जप्त केलेल्या 25 मोटरसायकली पैकी 7 मोटरसायकली बार्शीच्या;दमदार कामगिरी.*
Sammed Trilokchand Tarte 
बी पी एस Delhi91 लाईव्ह न्युज नेटवर्क
जिल्हा प्रतिनिधी-सम्मेद तरटे (बार्शी)
बार्शी: बार्शी शहर पोलिसांनी दमदार कामगिरी करत एका अट्टल चोराला ताब्यात घेऊन सुमारे 8 लाख 75 हजार रुपये कींमतीच्या 25 मोटरसायकली हस्तगत केल्या आहेत. जप्त केलेल्या दुचाकी मध्ये बार्शी शहरामधील गु.र.नं.10/23, 45/23, 144/23, 160/23, 216/23, 222/23 व 249/23 अशा 7 दुचाकीचा समावेश आहे.
सत्यवान रामहरी भोसले (सिरसाट) रा.पडसाळी ता.उत्तर सोलापूर हा इसम स्वतःची ओळख पटवू नये म्हणून डोक्याला हेल्मेट घालून फिरत असल्याचे बार्शी शहर पोलीस यांना कळाले. गोपनीय माहिती दाराकडून माहिती मिळाली की हा इसम बार्शीकडे चोरी करण्यास येणार आहे त्यावेळी पोलिसांच्या कटाक्ष नजरेने त्याला तेलगिरणी चौक येथे पकडून त्याच्या गाडीची सखोल चौकशी केली असता त्यानी बस स्टॅन्ड येथून गाडी चोरली असे सांगितले. त्यावेळी त्याला अटक करून रिमांड मध्ये घेऊन चौकशी केली तेव्हा त्याने बार्शी शहर, पंढरपूर, टेंभुर्णी, सोलापूर, धाराशिव अशा ठिकाणाहून दुचाकी चोरल्याचे कबूल केले. सदरची कामगिरी पोलीस अधीक्षक शिरीष सरदेशपांडे, अप्पर पोलीस अधीक्षक हिम्मत जाधव, उपविभागीय पोलिस अधिकारी जालिंदर नालकुल यांच्या मार्गदर्शनाखाली पोलीस निरीक्षक संतोष गिरीगोसावी, सपोनी सुधीर तोरडमल, सपोउनि अजित वर्पे, शैलेश चौगुले, मनीष पवार, अमोल माने, वैभव ठेंगल, ज्ञानेश्वर घोंगडे, अंकुश जाधव, अर्जुन गोसावी, सचिन देशमुख, अविनाश पवार, रवी लगदिवे, रतन जाधव यांनी दमदार कामगिरी केली.
पोलिसांकडून आव्हान करण्यात आले आहे की कागदपत्रा शिवाय वाहन खरेदी करू नये.
