येत्या आठ दिवसांत (सीसीआय) नाफेडच्या माध्यमातून शेतकऱ्यांचा कापूस खरेदी सुरू करा . अन्यथा आमरण उपोषण !

येत्या आठ दिवसांत (सीसीआय) नाफेडच्या माध्यमातून शेतकऱ्यांचा कापूस खरेदी सुरू करा . 

अन्यथा आमरण उपोषण ! 

सावनेर : (४ जानेवरी)  भारतीय  कापूस  महामंडळ  (सीसीआय) आणि राज्य पणन महासंघाने खरेदी केंद्र सुरू न केल्याने व्यापारी हमी भावापेक्षा कमी किमंतीमध्ये कापूस खरेदी करीत आहेत. कापसाच्या   दरात चढ उतार   हाेत असल्याने  कापूस  उत्पादक शेतकरी चिंताग्रस्त झाले आहेत . मात्र आर्थिक अडचणींमुळे शेतकर्‍यांनी नाईलाजाने मिळेल तो भाव पदरात पाडून आपला कापूस व्यापाऱ्यांना विकत आहे .

शेतक-यांच्या हितासाठी आम आदमी पक्ष सरसावली आहे . कापसाची संपूर्ण खरेदी भारतीय कापूस महामंडळ म्हणजेच सी.सी.आय (Cotton Corporation of India) व नाफेड (nafed) मार्फत करावी  अशी  मागणी  सावनेर  तालुक्यातील आम आदमी पक्षाचे नेते  पंकज घटोळे व संजय टेंभेकर यांच्या शिष्टमंडळातर्फे मुख्यमंत्री देवेंद्र फडणवीस यांना तहसीलदार सावनेर यांच्या मार्फत दिनांक ३ जानेवारी रोजी शुक्रवारला एका निवेदन पत्राद्वारे करण्यात आले . तसेच नुकत्याच पार पडलेल्या विधानसभा निवडणुकीत मुख्यमंत्री देवेंद्र फडणवीस यांनी शेतकऱ्यांच्या कापूस (सी.सी.आय.) नाफेडच्या माध्यमातून खरेदी करण्यात येईल व त्याचे केंद्र सावनेरला देऊ अशी घोषणा केली होती . जर सरकारने येत्या आठ दिवसात नाफेडची (सी.सी.आय) प्रमाणे खरेदी सुरू न केल्यास आम आदमी पक्षाच्या वतीने आमरण उपोषण करण्यात येईल असा निवेदनात म्हटले आहे .

निवेदन देताना आम आदमी पक्षाचे पंकज घाटोळे , संजय टेंभेकर , संजय राऊत, छत्रपती लांबट , गजानन चौधरी , अन्सार शेख , वैशाली जंजाळ , फुटाणे प्रामुख्याने उपस्थित होते .